اذا لاحضتي مزيان شنو اكثر الجمل الي كايتداولها الشباب فهاد المجال . هاتلقا
.شحال د الوقت خاصني باش …
.شحال دلفلوس خاصني باش ..
.واش داكشي مضمون ولا …
.واش فري ولا …
.ماعنديش وقت باش نتعلم بغيت طريقة ساهلة باش …
اخي الي داخل لهاد المجال خاص تفهم واحد المسألة . ف 2011 .2012 فعلا كان السطور خاوي و كن نقص كبير ف وسائل الترفيه و بالتالي كاتلقا الناس كاتهافت على اي حاجة . تقدر دير تطبيق او لعبة و تربح الاف الدولارات يوميا
اليوم عدد الشركات و المطورين الي كايخلقوا محتوى ممتاز عدد كبير و باش دير بلاصتك بالطرق التقليدية اصبح مستحيل ..و هادشي الي خلا بزاف د الناس دوز السبام او الطرق الا اخلاقية باش تربح ..
طبعا كوكل مايمكتش تسمح ب انك توهم المستعمل و تكدب عليه و هادشي علاش يوميا الاف التطبيقات كاتمسح و الكونطات كاتسد .و القادم اعضم . سياسة كوكل واضحة خدم نقي ولا (كلام فاحش ).طبعا باقي ثغرات والاكن من الواضح ان هاد الاخير واخدة الموضوع بجدية باش تنضف متجر .
انت اصديقي عندك 2 حلول ادا باغي تحقق شي حاجة فهاد المجال ..
يا أمة تكون مستاعد تتعلم .البرمجة .التصميم .الخ و تنسى الربح لمدة سنتين او ثلاث و تبدا بقوة من بعد.
او انك تتخص فالتسويق و تتعلم تختار نيتش مناسب و ديرالتسويق ديالك بالمقابل تشري كود واجد و احترافي او تكلف مطور بدالك .
باش ديرهوم ب 2 من النهار الاول و بطريقة غير مخالفة كن اكيد ماهاتربح حتى دولار .
و بالمقابل دوز سنة او سنتين و انت معتامد على ثغرة و تتسد و تبقا كل نهار تسب كوكل
بخلاصة . خدم نقي .اختص ف حاجة وحدة و اعطيها وقت ..
دمتم سالمين
