صفات كاتتشارك فيها اكثر الالعاب انتشارا على الموبايل
.
دراسة آوائل الالعاب ابمجانية الجديدة كاتبين الاتجاه الي غادي فيه مجال العاب ال موبايل .
حيث ان الالعاب الخفيفة (كانقصد الساهلة على الواحد يفهمها ) والي فيها تحدي كاتاخد الريادة .
مجموعة من الصفات كاتتشارك فيها اكثر الالعاب انتشارا على الموبايل اذا حاولتي تكون ضمن العبة ديالك تقدر تحقق نجاح كبير
و منها :
نوع الكرافيك : عندك 2 اختيارات . يا اما دير شخصيات احترافية او ماديرش شخصيات و اكتفي باشكال هندسية . انا باش دير شخصيات فيها بزاف دالتفاصيل والاكن غير احترافية فالشكل ديالها . من الافضل دير فقط الشكال هندسية .
طريقة اللعب : كاين بزاف دالطرق والاكن الالعاب الي دغيا كاتنتشر اغلبها كاتعتمد على السرعة و ردة الفعل .
الاعلانات : اغلب الالعاب الي انتشرت بسرعة كبيرة ماكاتكونش كاتهجم على المستعمل بالاعلانات و تفسد عليه متعة اللعب . يعني رد البال لعدد الاشهارات الي كايطلعو فدقيقة من اللعب .
التحكم : اكثر الالعاب انتشارا التحكم فيها بسيط جدا و بعيد على الزر .
يعني خلي التحكم تفاعلي مع الشاشة مباشرة .
حاجة اضافية . تجنب الكتابة داخل اللعبة و خلي الواجهة بوحدها تكون كاتعبر على المطلوب .
مثلا البوطون الي من خلالو كاتقوم بمشاركة اللعبة يكون فيه رمز ال المشاركة فقط
اخيرا المنافسة : خلي اللعبة فيها منافسة حقيقية للمستعمل مع ناس اخرين . من خلال السكور او يكون قادر يغير شكل الشخصية كيف بغا و يبان بيه على المنافسين ديالو او من خلال شي حاجة كايبنيها و كايبينها لناس اخرين . المهم ماتخليش اللعبة فقط بين المستعمل و الموبايل بل ضيف طرف ثالث
دمتم سالمين
