كولنا كانخدمو الليل و النهار باش نحققوا الاستقلال المادي . وهادشي طبعا الهدف منو هو تعيش فرفاهية و مرتاح ماخاصك والو و محقق داتك
والاكن بزاف الي كايهملوا واحد النقطو مهمة بزاف . و اهم من انك تكون اغني
هاد الشيء هو الغنى البدني . او الصحة
الجلوس قدام الحاسوب لساعات طوال كايشكل عليك بزاف دالمخاطر و غانقولولك فهاد البوسط شويا من الحلول الي يقدرو يخليك تعيش سن ال45 في سلام
: اولا الجلوس
مادام كاتجلس يزاف جلسة خايبة راك كاتهلك العمود الفقري ديالك
والله واخا تولي مليونير ماينفعوك باش تصحح مشاكل العمود الفقري
حاول تشري كرسي مريح
كل ساعة عمل نوض و تكسل و شرب كاس دالماء و تمشى فالبيت او الدار لمدة 5 دقايق
: ثاني شيء العوينات
ماتنساش انهم هوما الي كايجيبولك الفلوس ردلهوم البال
.شري تقطيرات دجفاف العينين راه رخاص
.دير ضوء اخر داخل الغرفة يكون شاعل . يعني ماشي فقط الضوء دال الحاسوب ديالك
.دير نضام الاضائة الليلية باش تحيد عليك الضوء الازرق الي كايهلك الشبكية ديالك
.بقا تعطيهوم الراحة و دير ماطيشة او الخيار عيهوم . راه ماشي غير البنات الي خاص يتهلاو فالعوينات راه حتى الرجال
:ثالثا الصحة بصفة عامة
اذا كنتي كادخل مصيريف زوين .مرة مرة زور الطبيب و دير واحد التقيم كلي .قلب الرية . الضغط . السكار و الكككلاوي . المهم ماتنساش الطبيب
: رابعا و اهم حاجة الرياضة
ماتفكرش 2 مرات اختار شي حاجة كاتعجبك . كرة . البوكس . الحديد . بالمناسبة خوكوم حزام اسود فال طايكوندو خخخخ
: خامسا الصحة النفسية
خلي علاقتك بواليديك زوينة تهلا فالويدة بزااف (اكثر من راسك ماحدها حية) .مرة مرة صدق و دعى الله يوفقك و اذا قدرتي تتزوج .توكل على الله راه موهييييم داكشي
و عافاك .ماتنساش تبغي الخير للناس
❤️دمتم سالمين
#function
