— مرحلة الفكرة .او ايجاد النيتش
فالموضوع الي قبل كنا هضرنا على 5 مراحل اساسية في تطوير الالعاب .و كان فقط تلميح لكل مرحلة يعني بدون تفاصيل .رغم ذالك كان طويل .
فهاد البوسط هانهضرو على اول مرحلة بتفصيل اكبر ..
مرحلة الفكرة .او ايجاد النيتش
الي خاص نعرفوا هو كاين 3 دالانواع دالمطورين . و على حسب اي نوع انت هاتختار طريقتك .
.
.
–1.بالنسبة للاشخاص الي التمويل عندهوم على قد الحال .و القدرات ديالهوم على التطوير ايضا متواضعا
.
.احسن طريقة هي كالتالي .
كادخل للسطور الي انت بغيتي تخدم فيه . كادخل على اساس مستعمل من الدولة الي انت باغي تستهدف . هاتحاول تبحث على اكبر عدد دالالعاب الي تجاوزات 500 الف تحميل
من بعد غادي تختار منهم فقط الي عندك #كود سورس قابل انك دير بيه دوك الالعاب .((يعني اذا عندك #كود ديال الجري هاتخار منهم فقد الالعاب د الجري .))
من بعد هادخل لاحد المواقع الى كايعطيك معلومات على كل لعبة مثلا
.ثم هادير لهم تحليل و تختار فقط الي عاد كايطلعو ..ماشي الي مدة و هما فنفس الترتيب او الي نازلين ..تذكر واخا تكون الترتيب دالها 30 الاسبوع الفيت و هاد الاسبوه 25 هي الي تختار بذل الي باقيا ف الرتبة 5 مدة طويلة .
ايضا هاتاخد الكلمات المفتاحية د كل لعبة من هادوك الالعاب .تقريبا 3 او 4 د الكلمات و هادير يبنهم مقارنة ف نسبة البحث و فالصعوبة مثلا فموقع
حتى تلقا فيهو الي عليها اكبر نسبة بحث و اقل صعوبة
من بعد هاتحاول تفهم طريقة اللعب فيها و الشخصيات و هاتكون هي الفكرة الي هاتخدم عليها اللعبة ديالك .بدون اي تعقيدات هادشي كافي باش تلقا نيتش .
.
.
–2.بالنسبة للناس الي عندهوم ميزانية محترمة و الي يقدر يكلف مطور .او قادر يخلق اللعبة الي بغا
الامر كايختالف .لان مساحة العمل ماكاتكونش محدودة ب الكود الي موجود عندك بل تقدر دير اي لعبة بانتلك ناجحة و دير نسخة منها
المشكل الي كايطيح فيه بزاف دالناس هو كاتلقا شي شخص خدم مثلا لعبة د #الجري و ربح منها و كايعلن على ذالك .من بعد كلشي كايضن انه فقط هاد النوع دالالعاب الي مربوح و ماكازعموش على العاب اخرى والي فعلا مربوحة اكثر .لذالك ماذام قادر تبني لعبة او تكلف مطور اي لعبة تجاوزة 500 الف هاتكون مربوحة اكيد
–3.بالنسبة للمطورين الي عندهم قدرة على تسويق العابهم
.اول حاجة يفكر فيها هو مبدء اللعبة يكون بسيط يعني بدون تعقيدات ف المبدء او فطريقة اللعب ..لاكن ضاروري يخدم مزيان على #التصميم يكون مختلف و بعيد على اي حاجة قبل ..في حالة كان هايقوم ب اعادة بناء لشي لعبة كاينة من قبل داروري خاصك اضافة جديدة ..و حاول تبعد على الالعاب الي يقدر اي مبتدء يديرهوم ..مثلا دير لعبة عالم مفتوح .او سيارات ب طريقة مبتكرة و جديدة او حتى
يعني بعد على اي حاجة قريبة للكودات الموجودين بالمجان
و باش تلقا افكار جداد حاول تقلب ف العال ال البيسي او ال اكسبوكس و ال البلاي ستايشن .
شوف اخر و احسن العاب 2018 مثلا ..ماشي بالضارورة دير نفس اللعبة والاكن دير جزء مها ..
مثلا لعبة
تقدر تاخد منها مبدء ركوب الدبابات الخ .
اهم حاجة خاص نعرف انك بقدر ما بدعتي و خلقتي حاجة مزيانة بقدر الارباح الي هاتاخد ..و ماشي ضاروري دير شي حاجة كاينة من قبل تقدر انت تخلق نوع جديد من الالعاب
